September 13 ah Prime Minister Narendra Modi Mizoram ah- Sorkar hnathawk chawlh lak phal loh

by News Editor

Tualchhung News

ZORAM TODAY| 6th September, 2025: India Prime Minister Narendra Modi chuan September ni 13 hian Mizoram a rawn tlawh dawn a, Sairang rel kawng a hawng dawn nia tarlan a ni.

Hemi chungchang kaihhnawih ni ngeia hriatah Mizoram sorkar chuan office memorandum ti chhuakin, Mizoram sawrkar General Administration Department (GAD) -in vawiina a thuchhuah ah Mizoram sawrkar hnathawk tu pawh vawiin September ni 6, 2025 aṭanga September ni 15, 2025 thlengin VVIP in Mizoram a rawn tlawh dawn avangin eng chawlh mah pek remtih a nih loh thu a chhuah a ni.

Hei mai bakah sawrkar hnathawk chawlh la lai leh tour nei mek zawng zawngte pawh duty tura in report vek tura tih an ni.

Department head zawng zawngte chu he thupek hi khauh taka kengkawh tura hriattir an ni nghal bawk.

Zoram Today hriat danin sawrkar hnathawk zawng zawngte chawlh lak phal loh leh chawlh la lai te duty tura koh let hi, ramdang nena indo leh national emergency angah te a lo awm tawh thin niin a hria a.

India Prime Minister in December ni 17, 2017 a Tuirial Hydro Electric Power Project a hawn ṭum erawh kha chuan Mizoram sawrkar khan tun tum ang hian office memorandum a chhuah lo ni a hriat a ni.